Tag: Ys Jagan Mohan Reddy

అదే జరిగితే ఎమ్మెల్యే సీట్ ఇవ్వను.. జగన్ హెచ్చరిక

జగన్ తాజా హెచ్చరికలో రాజకీయ వ్యూహం స్పష్టంగా కనిపిస్తున్నప్పటికీ, గత వైసీపీ ప్రభుత్వ హయాంలో జరిగిన స్థానిక ఎన్నికలు మరియు అప్పట్లో ఏకగ్రీవాలపై వచ్చిన విమర్శలు ఇప్పుడు మళ్లీ చర్చకు రావడం సహజం. అధికారంలో ఉన్నప్పుడు ఒక పరిస్థితి, ప్రతిపక్షంలో ఉన్నప్పుడు మరో పరిస్థితి అన్న విమర్శను జగన్ ఎలా ఎదుర్కొంటారన్నది కూడా కీలకమే. అయితే ప్రస్తుతానికి వైసీపీ లక్ష్యం మాత్రం స్పష్టంగా కనిపిస్తోంది.. స్థానిక సంస్థల ఎన్నికలను 2029 సార్వత్రిక ఎన్నికలకు ముందు పార్టీ పునర్నిర్మాణానికి, కేడర్‌లో పోరాట స్ఫూర్తి పెంచడానికి ఒక రాజకీయ వేదికగా ఉపయోగించుకోవడం. ఈ నేపథ్యంలో జగన్ హెచ్చరిక కేవలం ఏకగ్రీవాలకు వ్యతిరేకంగా చేసిన వ్యాఖ్య మాత్రమే కాకుండా, నియోజకవర్గ ఇన్‌ఛార్జీల పనితీరుకు పెట్టిన రాజకీయ పరీక్షగా కూడా చూడవచ్చు. గత అనుభవాలు, ప్రస్తుత రాజకీయ పరిస్థితుల మధ్య ఈ వ్యూహం వైసీపీకి ఎంతవరకు ప్రయోజనం చేకూరుస్తుందో స్థానిక సంస్థల ఎన్నికల ఫలితాలే తేల్చనున్నాయి.

ఏకగ్రీవాలపై జగన్ వార్నింగ్.. గతాన్ని మరిచారా?

ఏపీలో రాబోయే స్థానిక సంస్థల ఎన్నికల నేపథ్యంలో వైసీపీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి పార్టీ నియోజకవర్గ ఇన్‌ఛార్జీలకు ఇచ్చిన హెచ్చరిక రాజకీయంగా ఆసక్తికర చర్చకు దారితీసింది. ఏ నియోజకవర్గంలోనైనా స్థానిక సంస్థల ఎన్నికల్లో ఏకగ్రీవం జరిగితే, అక్కడి ఇన్‌ఛార్జీలు లేదా ఎమ్మెల్యేసీటు ఆశిస్తున్న నేతలు 2029 సార్వత్రిక ఎన్నికల్లో పోటీ చేసే అవకాశం ఉండదని జగన్ స్పష్టమైన హెచ్చరిక చేశారు. ప్రతి స్థానంలో వైసీపీ అభ్యర్థిని బరిలో నిలబెట్టాలని, కేడర్ కోసం నాయకులు గట్టిగా పోరాడాలని ఆయన సూచించారు. స్థానిక ఎన్నికలు కేవలం గెలుపోటముల కోసం కాదని, క్షేత్రస్థాయిలో పార్టీ కార్యకర్తలకు అండగా నిలిచే పరీక్షగా చూడాలని నాయకులకు జగన్ హితబోధ చేశారు. 

వైసీపీ రాజకీయ ఎత్తుగడలు జువ్వలదిన్నె నుంచి...

రాష్ట్రంలో ఉన్న ఫిషింగ్ హార్బర్లన్నీ మత్స్యకారుల సొత్తు అని.. వాటిని ప్రైవేటు పరం చేయాలని చూస్తే ఊరుకునే ప్రసక్తే లేదని మాజీ ముఖ్యమంత్రి జగన్ హెచ్చరించారు.. జువ్వల దీన్నే ఫిషింగ్ హార్బర్ను పరిశీలించిన ఆయన.. మత్స్యకారులతో ముఖాముఖి నిర్వహించారు. తాము అధికారంలోకి వచ్చిన వెంటనే జువ్వల దీన్నే లో ఏర్పాటు చేయబోతున్న ప్రైవేట్ డిఫెన్స్ కంపెనీని తరలిస్తామని జువ్వల దీన్నే లో ఆయన ప్రకటించారు.. తమ సమస్యలు చెప్పుకునేందుకు వచ్చిన మత్స్యకారులతో జగన్ గంట పాటు ముఖాముఖి మాట్లాడారు..

జగన్ చెప్తాడు కానీ చేయడా?

గత ఎన్నికల్లో పార్టీ ఓటమి తర్వాత జగన్ మోహన్ రెడ్డి పార్టీ బలోపేతంపై దృష్టి సారించారు. క్షేత్రస్థాయిలో పార్టీని బలపర్చడానికి కృషి చేస్తున్నారు. నాయకులు, కార్యకర్తలతో నేరుగా మమేకమై వారి సమస్యలను, అభిప్రాయాలను అడిగి తెలుసుకుంటున్నారు. పార్టీలో నెలకొన్న అంతర్గత కలహాలను చక్కబెడుతున్నారు. మరోవైపు ప్రజా సమస్యలపై ధర్నాలు, పోరాటాలు చేస్తూ ప్రజలకు దగ్గరవడానికి ప్రయత్నిస్తున్నారు.